Billboard Chart မှာ ပါဝင်လာတဲ့ ၅ ခုမြောက် Kpop အဖွဲ့ BLACKPINK
- mpc
- Category: News
BLACKPINK အဖွဲ့ဟာ အယ်လ်ဘမ်အသစ်ဖြစ်တဲ့ "The Album"ကို ဖြန့်ချိပြီးတဲ့နောက်မှာတော့ ကိုရီးယားနဲ့ နိုင်ငံအသီးသီးမှာရှိတဲ့ ဂီတဇယားတွေမှာ နေရာယူထားနိုင်ခဲ့သလို အရင်ကထက်ပိုတဲ့ အောင်မြင်မှုတွေနဲ့ ကျော်ကြားမှုတွေလည်း ရရှိလာပါတယ်။
ဒီအပတ်မှာဆိုရင် BLACKPINK အဖွဲ့ဟာ Billboard 200 ကိုဝင်ရောက်လာရုံသာမက ဇယားရဲ့ Top 10 နေရာကိုရောက်ရှိလာပြီး အဲ့ဒီနေရာကိုရောက်ရှိလာတဲ့ ၅ဖွဲ့မြောက် K-Pop အဖွဲ့ဖြစ်လာခဲ့သလို ဒီနေရာကိုရောက်ရှိခဲ့တဲ့ ပထမဆုံး မိန်းကလေး K-Popအဖွဲ့လည်း ဖြစ်လာခဲ့ပါတယ်။
ဒီအယ်လ်ဘမ်အဆင့်သတ်မှတ်ချက်မှာ အထူးသဖြင့် နိုင်ငံခြားအနုပညာရှင်တွေအနေနဲ့ ပါဝင်လာဖို့ဆိုတာ မလွယ်ကူတဲ့အရာ ဖြစ်ပေမယ့် BLACKPINK အဖွဲ့ကတော့ ဒီအပတ်အတွက် နံပါတ်၂ နေရာမှာ ရပ်တည်ခဲ့ပါတယ်။ Billboard 200 ဇယားကို အပတ်စဉ်ထုတ်ပြန်တာဖြစ်ပြီး အမေရိကန်မှာ နာမည်အကျော်ကြားဆုံးဖြစ်တဲ့ အယ်လ်ဘမ် ၂၀၀ ကို ထုတ်ပြန်တာလည်း ဖြစ်ပါတယ်။
Top 10 ကိုရောက်ရှိခဲ့တဲ့ ပထမဆုံး K-Pop အဖွဲ့ကတော့ BTS အဖွဲ့ဖြစ်ပြီး ၂၀၁၇ ခုနှစ်ကထွက်ရှိခဲ့တဲ့ "Love Yourself:Her"အယ်လ်ဘမ်နဲ့ နံပါတ် ၇ နေရာကို ရောက်ရှိခဲ့တာဖြစ်ပါတယ်။
ဒါ့အပြင် BTS အဖွဲ့ဟာ" Love Yourself: Tear"၊ " Love Yourself: Answer"၊ " Map of the Soul: Persona"နဲ့ "Map of the Soul: 7" ဆိုတဲ့ အယ်လ်ဘမ် ၄ ခုနဲ့ Billboard 200 ဇယားမှာ နံပါတ် ၁ နေရာကို ရောက်ရှိခဲ့တဲ့ အဖွဲ့လည်းဖြစ်ပါတယ်။
SuperM အဖွဲ့ကတော့ ဇယားကိုဝင်ရောက်နိုင်တဲ့ ဒုတိယမြောက် K-Pop အဖွဲ့ဖြစ်ပြီး သူတို့ရဲ့ကိုယ်ပိုင်အမည်နဲ့ထွက်ရှိခဲ့တဲ့ အယ်လ်ဘမ်ဟာဆိုရင် BTS အပြင် နံပါတ်၁နေရာကိုရောက်ရှိခဲ့တဲ့ အခြားသော K-Pop အဖွဲ့လည်း ဖြစ်ပါတယ်။
လွန်ခဲ့တဲ့အပတ်ကဖြန့်ချိခဲ့တဲ့ "Super One"အယ်လ်ဘမ်ဟာဆိုရင်လည်း နံပါတ် ၂ နေရာကို ရောက်ရှိခဲ့ပါတယ်။ ဒီနှစ်အစောပိုင်းမှာဆိုရင် MONSTA X အဖွဲ့နဲ့ NCT 127 နှစ်ဖွဲ့လုံးဟာ Billboard 200 ရဲ့ Top 10 နေရာကို ရောက်ရှိခဲ့ပါတယ်။
ကြီးမားတဲ့အောင်မြင်မှုအတွက် ဂုဏ်ယူပါတယ် BLACKPINKရေ။သူတိုဟာ အခြားအနုပညာရှင်တွေအတွက် တကယ့်ကို လမ်းခင်းပေးတဲ့အဖွဲ့ပါပဲ။
#mpc
ဆက်စပ်နေသော ရေးသားချက်များ
-
တရုတ်နိုင်ငံမှာအကျော်ကြားဆုံး အမျိုးသမီးအနုပညာရှင်များအဖြစ် IU နဲ့ BLACKPINK အဖွဲ့ ရပ်တည်
IU နဲ့ BLACKPINKအဖွဲ့ဟာ ၂၀၂၀ ပြည့်နှစ်အတွက် တရုတ်နိုင်ငံမှာအကျော်ကြားဆုံး နိုင်ငံရပ်ခြားအမျိုးသမီးအနုပညာရှင်တွေအဖြစ် ရွေးချယ်ခံခဲ့ရပါတယ်။
-
ဒီဇင်ဘာလအတွက် တောင်ကိုရီးယားမှာ နာမည်အကျော်ကြားဆုံး မိန်းကလေးအဖွဲ့ ၃၀
ဒီဇင်ဘာလအတွက် နာမည်ကျော်ကြားမှုညွှန်းကိန်းအမြင့်ဆုံး Kpop မိန်းကလေးအဖွဲ့ ၃၀ စာရင်းထွက်လာပါတယ်။
-
စွန့်ပစ်ခံခွေးလေး Hank ကိုမွေးစားလိုက်တဲ့ BLACKPINK အဖွဲ့ဝင် ROSE
BLACKPINK အဖွဲ့ဝင် ROSE ဟာ စွန့်ပစ်ခွေးလေးတစ်ကောင်ကို မွေးစားလိုက်ပြီး သူ့အတွက် ကိုယ်ပိုင် IG အကောင့်တစ်ခုကိုလည်းဖွင့်ပေးခဲ့ပါတယ်။
-
'50 Best Songs of 2020' စာရင်းထဲမှာ ပါဝင်လာတဲ့ BTS နဲ့ BLACKPINK အဖွဲ့
BTS နဲ့ BLACKPINK အဖွဲ့ တို့ဟာ Rolling Stone မဂ္ဂဇင်းရဲ့ '50 Best Songs of 2020' ၂၀၂၀ အတွက် အကောင်းဆုံး သီချင်း အပုဒ် ၅၀ စာရင်းမှာ ထိပ်ဆုံးအမြင့်ပိုင်းနေရာမှာရှိနေပါတယ်။
-
တရုတ်အနုပညာရှင်တွေလည်း ပန်ဒါတွေကို လက်ဗလာနဲ့ ကိုင်တယ်လို့ ဆောင်ရှင်းတက္ကသိုလ် ပါမောက္ခထောက်ပြ
ဆောင်ရှင်းအမျိုးသမီးတက္ကသိုလ်မှ နာမည်ကျော် ပါမောက္ခတစ်ဦးဖြစ်သူ ပါမောက္ခ ဆောဂျောင်ဒေါ့က တရုတ်အင်တာနက်အသုံးပြုသူတွေကို ဝေဖန်ခဲ့ပါတယ်။
-
အငြင်းပွားမှုဖြစ်ပြီးတဲ့နောက် '24/365 with BLACKPINK' နောက်ဆုံးအပိုင်းကို ထုတ်လွှင့်တော့မည်မဟုတ်
BLACKPINK အဖွဲ့ဝင်တွေရဲ့ ပန်ဒါလေးတွေ ကိုင်တွယ်ပုံနဲ့ ပတ်သက်လို့ အငြင်းပွားဖွယ်ရာ ကိစ္စတွေရှိခဲ့ပြီးတဲ့နောက် '24/365 with BLACKPINK' ဆိုတဲ့ရသစုံ အစီအစဉ်ရဲ့ နောက်ဆုံးအပိုင်းကို ထုတ်လွှင့်တော့မှာမဟုတ်ဘူးလို့ နိုဝင်ဘာ ၇ ရက်မှာ YG အင်တာတိန်းမန့်က ကြေညာခဲ့ပါတယ်။.