K-pop စတားဖြစ်ချင်ခဲ့တဲ့ Jimin ရဲ့ဆန္ဒကို ဖခင်ဖြစ်သူက ဘာကြောင့်ခွင့်ပြုခဲ့တာလဲ
- mpc
- Category: Trend
BTS အဖွဲ့ဝင်ဖြစ်တဲ့ Jimin ရဲ့ ဖခင်ဖြစ်သူဟာ K-pop စတားဖစ်ချင်တဲ့ Jimin ရဲ့ ဆန္ဒကို ဘာကြောင့်ထောက်ခံခဲ့တာလဲဆိုတဲ့အကြောင်းကို ထုတ်ဖော်ပြောဆိုခဲ့ပါတယ်။
မကြာသေးခင်ကပဲ Jimin ရဲ့ အဖေဖြစ်သူဟာ ဘူဆန်အနုပညာအထက်တန်းကျောင်း မဂ္ဂဇင်းရဲ့ အင်တာဗျူးမှာ ပါဝင်ခဲ့ပါတယ်။ ဘူဆန်အနုပညာအထက်တန်းကျောင်းဟာဆိုရင် Jimin က K-pop training ဆင်းဖို့ ဆိုးလ်ကိုမလာခင် တက်ရောက်ခဲ့တဲ့ကျောင်းဖြစ်ပါတယ်။
အင်တာဗျူးမှာတော့ ငယ်စဉ်ကတည်းက Jimin မှာရှိတဲ့ အရည်အချင်းတွေအကြောင်း မေးမြန်းခဲ့ပါတယ်။
Jimin ရဲ့ အဖေက "အရင်ဆုံးအနေနဲ့ သူ ဘူဆန်အနုပညာအထက်တန်းကြောင်းကို တက်ချင်တယ်လို့ပြောတဲ့အခါ ကျွန်တော်တို့ဘာကြောင့်ခွင့်ပြုပေးခဲ့တာလဲဆိုတာကို အရင်ပြောပြချင်ပါတယ်။ အလယ်တန်းကျောင်း နောက်ဆုံးနှစ်ရောက်တဲ့အချိန်မှာ သူက သူ့အနာဂတ်နဲ့ပတ်သက်လို့ ရေးထားတဲ့အက်ဆေးကို ကျွန်တော်တို့ကို ပြတယ်။ ဒီအက်ဆေးထဲမှာ သူက အထက်တန်းကျောင်းမှာ ခေတ်ပေါ်အက သင်ချင်တယ်။ ပြီးရင် သူအရမ်းစိတ်ဝင်စားတဲ့ K-pop နဲ့ ပေါင်းစပ်ပြီး ကချင်တယ်လို့ ရေးထားတယ်။ တစ်နေ့မှာ သူ K-pop စတားတစ်ယောက်ဖြစ်ချင်တယ်လို့လည်း ရေးထားတယ်။ သူကငယ်ငယ်တည်းက အဆိုရော ၊ အကရော တော်တယ်။ ကျွန်တော်မှတ်မိသေးတယ်။ သူမူလတန်းကျောင်း ငါးတန်းတက်တုန်းကဆိုရင် Maya ရဲ့ 'Azalea'သီချင်းကို အပြစ်ပြောစရာမရှိအောင် ဆိုနိုင်ခဲ့တယ်။" လို့ဆိုပါတယ်။ ဒါပေမယ့် Jimin ရဲ့ အဖေက သူ့ကို စာပဲလေ့လာစေချင်ခဲ့တာပါ။
ဖခင်ဖြစ်သူက "သူကသိပ္ပံနဲ့ သင်္ချာမှာတော်တော် တော်ပါတယ်။ အဲ့ဒါကြောင့် သူ့ကို သိပ္ပံအထက်တန်းကျောင်း တက်စေချင်ခဲ့တာပါ။ ဒါပေမယ့် ကျွန်တော်သူရေးထားတဲ့ အက်ဆေးကို ဖတ်ပြီးတဲ့နောက်မှာ သူ့ရဲ့အိမ်မက်ကို မကန့်ကွက်ချင်တော့ဘူး။ အဲ့ဒီအက်ဆေးထဲမှာဆိုရင် သူလိုချင်တဲ့ ဘဝကို သူအသေးစိတ်ရေးထားတယ်။ Jimin က အမြဲတမ်းယဉ်ကျေးပြီးတော့ ရင့်ကျက်တဲ့သူတစ်ယောက်ဖြစ်တဲ့အတွက် သူ့ရဲ့ ရွေးချယ်မှုကို လေးစားဖို့ ကျွန်တော်ဆုံးဖြတ်ခဲ့တယ်။ " လို့ဖြေကြားခဲ့ပါတယ်။
Jimin ဟာ ၂၀၁၃ခုနှစ်၊ ဇွန်လမှာ BTS အဖွဲ့ဝင်အဖြစ် ပွဲဉီးထွက်ခဲ့ပါတယ်။
ဆက်စပ်နေသော ရေးသားချက်များ
-
ချုံးချုံးကျသွားတဲ့ ဂျီမင်ရဲ့ ပုံရိပ်ကြောင့် ARMYs တွေ အံ့အားသင့်သွားခဲ့ရ
ရှိုးပွဲတခုမှာ အချိန်တိုအတွင်း ဘီတီအက်စ်အဖွဲ့ဝင် ဂျီမင်ရဲ့ ချုံးကျသွားတဲ့ ပုံရိပ်က ARMYs တွေကို မှင်သက်သွားစေခဲ့ပါတယ်။ ဇွန် ၂၅ ရက်နေ့က ဆိုးလ်မှာ ကျင်းပတဲ့ ဘီတီအက်စ်အဖွဲ့ဝင် ဆူဂါရဲ့ ဖျော်ဖြေပွဲ ပုံရိပ်တွေမှာ ၄ လတာအတွင်း ထူးထူးခြားခြားပြောင်းလဲသွားတဲ့ ဂျီမီရဲ့ ခန္ဒာကိုယ်က အွန်လိုင်းသပရိတ်သတ်တွေကြားမှာ ပြောစရာတခုဖြစ်လာပါတယ်။
-
၂၀၂၁ ခုနှစ်အတွင်းအမေရိကန်နိုင်ငံမှာ TXT, NCT 127 နဲ့ BTS တို့ရဲ့ အယ်လ်ဘမ် အများဆုံးရောင်းချခဲ့ရ
ပြီးခဲ့တဲ့ နှစ်တုန်းက အမေရိကန်နိုင်ငံမှာ TXT, NCT 127 နဲ့ BTS အဖွဲ့တွေရဲ့ သိန်းနဲ့ချီတဲ့ အယ်လ်ဘမ်တွေရောင်းချခဲ့ရတယ်လို့ဆိုပါတယ်။
-
အီထယ်ဝန် မှာ အိမ်အသစ်ဝယ်ယူခဲ့တဲ့ BTS အဖွဲ့ဝင် Jungkook
BTS အဖွဲ့ဝင် Jungkookဟာ အိမ်အသစ်တစ်လုံးဝယ်ယူလိုက်ပါပြီ။
-
ဒီဇင်ဘာလအတွက် နာမည်အကျော်ကြားဆုံး အမျိုးသားအဖွဲ့နေရာမှာ BTS ရပ်တည်နေ
ဒီဇင်ဘာလအတွက် နာမည်ကျော်ကြားမှုညွှန်းကိန်းအမြင့်ဆုံး အမျိုးသားအဆိုတော်အဖွဲ့ ၃၀ ရဲ့စာရင်းကို ထုတ်ပြန်လိုက်ပါတယ်။
-
ငွေရှာဖို့ BTS အဖွဲ့ကိုအသုံးပြုတာရပ်ပေးရေး Big Hit ကို ပရိသတ်တွေ ဆန္ဒပြတောင်းဆို
ARMY တွေဟာ Big Hit အင်တာတိန်းမန့်အပေါ် သူတို့ရဲ့ ဝေဖန်မှုကို ပြသဖို့ ဆန္ဒပြထရပ်ကားတွေ ပေးပို့ခဲ့ပါတယ်။
-
တိုင်းမ်မဂ္ဂဇင်းရဲ့ 'Entertainer of the Year' အဖြစ် သတ်မှတ်ခံခဲ့ရတဲ့ BTS အဖွဲ့
တိုင်းမ်မဂ္ဂဇင်းဟာ BTS အဖွဲ့ကို သူတို့ရဲ့ 'Entertainer of the Year' အဖြစ် သတ်မှတ်လိုက်တယ်လို့ သိရပါတယ်။