tvN ရဲ့ ဒရာမာအသစ် “Link” မှာ ပါဝင်ဖို့ ကမ်းလှမ်းခံထားရတဲ့ ကင်ဆွန်းဟို
- Thant Sin
- Category: Series/Tv Shows
Start Up ဇာတ်လမ်းတွဲနဲ့ လူသိများကျော်ကြားလာတဲ့ သရုပ်ဆောင်မင်းသား ကင်ဆွန်းဟို ဟာ tvN ရဲ့ ရုပ်သံဇာတ်လမ်းတွဲအသစ်ဖြစ်တဲ့ "Link" မှာ သရုပ်ဆောင်သွားဖို့အတွက် စဉ်းစားနေဆဲလို့ သိရပါတယ်။
“မင်းသားကင်ဆွန်းဟိုဟာ tvN ရုပ်သံလိုင်းရဲ့ ဇာတ်လမ်းတွဲအသစ်ဖြစ်တဲ့ Link မှာပါဝင်ဖို့ ကမ်းလှမ်းချက်ရရှိခဲ့ပါတယ်။ ကင်ဆွန်းဟိုက အခုအချိန်မှာ Start-up ဇာတ်လမ်းတွဲကို ရိုက်ကူးနေစဉ်ကာလဖြစ်တာကြောင့် တိတိကျကျ ထုတ်ပြန်ဖို့ကတော့ ဂရုစိုက်ရဦးမှာပါ။ လောလောဆယ်တော့ Link ဇာတ်လမ်းတွဲရဲ့ ဇာတ်ညွှန်းကို သေသေချာချာ ဖတ်ရဦးမှာပါ။”
လို့ သူ့ရဲ့ အေဂျင်စီဖြစ်တဲ့ SALT ဖျော်ဖြေရေးကုမ္ပဏီက ပြောကြားခဲ့ပါတယ်။
ဒီဇာတ်လမ်းတွဲဟာ ထူးခြားဆန်းကြယ်ရိုးမန့်စ်ဒရမ်မာအမျိုးအစားဖြစ်ပြီးတော့ ကင်ဆွန်းဟိုဟာ စားဖိုမှူး Eun Gye Hoon ဆိုတဲ့ အဓိကဇာတ်ကောင်နေရာအတွက် ကမ်းလှမ်းခံထားရတာဖြစ်ပါတယ်။
Eun Gye Hoon ဇာတ်ကောင်ဟာ Michelin Star ရရှိထားတဲ့ စားဖိုမှူးတစ်ယောက်ဖြစ်ပြီး သူဟာ လွန်ခဲ့တဲ့ နှစ်ပေါင်း ၂၀ လောက်က သူ့ရဲ့ အမြွှာအစ်မနှစ်ဦးပျောက်ဆုံးသွားတဲ့ ပတ်ဝန်းကျင်မှာ စားသောက်ဆိုင်ဖွင့်ခဲ့တယ်။ Eun Gye Hoon စားဖိုမှူးဟာ ရုပ်ရည်ချောမောပြီး ဆွဲဆောင်မှုရှိတဲ့အတွက် လာရောက်စားသုံးသူတွေရဲ့ အာရုံစိုက်မှုကို ရရှိလေ့ရှိပါတယ်။
တစ်နေ့မှာတော့ သူ့ရဲ့ စိတ်ခံစားမှုတွေဟာ ငိုတလှည့် ရယ်တလှည်နဲ့ မူမမှန်ဖြစ်နေတာကို သိခဲ့ရပြီး အရှက်ရခဲ့ရပါတယ်။ နောက်ပိုင်းမှာတော့ ဒီစိတ်ခံစားချက်မျိုးစုံဟာ Noh Da Hyun ဆိုတဲ့ အမျိုးသမီးရဲ့ အတွင်းစိတ်ဆိုတာကို ရှာဖွေတွေ့ရှိသွားတဲ့အခါ . . .
ဒီဇာတ်လမ်းတွဲကိုတော့ “I Remember You” နဲ့ “Suspicious Partner” ဇာတ်လမ်းတွဲတို့ကို ရေးသားခဲ့တဲ့ Kwon Ki Young စာရေးဆရာ နဲ့ “I Remember You” ဇာတ်လမ်းတွဲကို ရိုက်ကူးခဲ့တဲ့ Noh Sang Hoon ဒါရိုက်တာတို့က ပူးပေါင်းပုံဖော်သွားမှာဖြစ်ပါတယ်။
Link ဇာတ်လမ်းတွဲကိုတော့ ၂၀၂၁ ခုနှစ် ခုနှစ် ပထမနှစ်ဝက်မှာ tvN ရုပ်သံလိုင်းကနေ ထုတ်လွှင့်ပြသွားမယ်လို့ သိရပါတယ်။
ဆက်စပ်နေသော ရေးသားချက်များ
-
အခုလက်ရှိ တောင်ကိုရီးယားမှာ နာမည်အကျော်ကြားဆုံး မင်းသားနဲ့ မင်းသမီး စာရင်း
အခုနိုဝင်ဘာလအတွက် နာမည်ကျော်ကြားမှုအမြင့်ဆုံး မင်းသားနဲ့ မင်းသမီး ၅၀ စာရင်းကို ထုတ်ပြန်လိုက်ပါတယ်။
-
ဇာတ်ကောင်နာမည်တွေကို ဘူတာရုံနာမည်တွေကနေ ယူပေးထားတဲ့ 'Start-up' ဒရာမာ
tvN ကနေ စနေနဲ့ တနင်္ဂနွေတိုင်း ပြသနေတဲ့ 'Start-up' ဒရာမာ ပရိသတ်တွေဟာ သူတို့ကြည့်နေတဲ့ အဲ့ဒီဒရာမာထဲက ဇာတ်ကောင်တွေရဲ့ နာမည်တွေဟာ တောင်ကိုရီးယားမှာရှိတဲ့ ဘူတာရုံနာမည်တွေကို ယူထားတယ်ဆိုတာ သိရှိခဲ့ရပါတယ်။
-
ငယ်ငယ်ကရခဲ့ဖူးတဲ့ စိတ်ဒဏ်ရာအကြောင်း ပြောပြခဲ့တဲ့ မင်းသား ကင်ဆွန်းဟို
မင်းသား ကင်ဆွန်းဟိုဟာ သူကလေးဘဝတုန်းက ရရှိခဲ့တဲ့ စိတ်ဒဏ်ရာအကြောင်း ပြောပြခဲ့ဖူးပါတယ်။
-
စိတ်ကူးထဲက ချစ်သူပုံစံကို ပြောပြခဲ့တဲ့ မင်းသား ကင်ဆွန်းဟို
မင်းသား ကင်ဆွန်းဟိုဟာ ချစ်သူထားဖို့ကိစ္စနဲ့ပတ်သက်လို့ သူအတွေးအမြင်ကို ဝေမျှခဲ့တာဖြစ်ပါတယ်။
-
မိဘတွေကြောင့် ဒရာမာလောကထဲကို ရောက်လာခဲ့တဲ့ မင်းသား ကင်ဆွန်းဟို
မင်းသား ကင်ဆွန်းဟိုဟာ ရုပ်သံပေါ်မှာ သရုပ်ဆောင်တစ်ဦးအနေနဲ့ ဖြစ်လာဖို့ စိန်ခေါ်မှုရှိခဲ့တဲ့အခိုက်အတန့်အကြောင်း ပြန်ပြောပြခဲ့တာ ဖြစ်ပါတယ်။
-
အရက်မူးပြီး ကားမောင်းသည့် ဖြစ်စဉ်ပြီးနောက် tvN ဒရမ်မာမှ မင်းသား ယွန်းထယ်ယောင်း ဖယ်ရှားခံရ
မကြာမီပြသတော့မယ့် “Dear Husband of 100 Days” ဆိုတဲ့ ဒရမ်မာကနေ အခုလအစောပိုင်းမှာ ဖြစ်ပွားခဲ့ တဲ့ အရက်မူးပြီး ကားမောင်းတဲ့ ဖြစ်စဉ်မှာ မင်းသားဟာ ပါဝင်ခဲ့တယ်လို့ ရဲတပ်ဖွဲ့ ကပြောကြားခဲ့ပြီးတဲ့ နောက်မှာ ယွန်းထယ်ယောင်းကို ဖယ်ရှားလိုက်တာဖြစ်တယ်လို့ ကြေညာခဲ့ပါတယ်။ မကြာမီပြသတော့မယ့် “Dear Husband of 100 Days” ဆိုတဲ့ ဒရမ်မာကနေ အခုလအစောပိုင်းမှာ ဖြစ်ပွားခဲ့ တဲ့ အရက်မူးပြီး ကားမောင်းတဲ့ ဖြစ်စဉ်မှာ မင်းသားဟာ ပါဝင်ခဲ့တယ်လို့ ရဲတပ်ဖွဲ့ ကပြောကြားခဲ့ပြီးတဲ့ နောက်မှာ ယွန်းထယ်ယောင်းကို ဖယ်ရှားလိုက်တာဖြစ်တယ်လို့ ကြေညာခဲ့ပါတယ်။