Twilight ရုပ်ရှင်ထဲကလို မင်္ဂလာဆောင်မယ့် ထယ်ယန်းနဲ့မင်ဟိုရင်
- Micky
- Category: News
ထယ်ယန်းနဲ့ မင်ဟိုရင်တို့ရဲ့ လက်ထပ်ပွဲနဲ့ပတ်သက်တဲ့ အသေးစိတ်အချက်အလက်တချို့ ထပ်မံထွက်ပေါ် လာပြန်ပါတယ်။
သူတို့နှစ်ဦးဟာ လာမယ့်ဖေဖော်ဝါရီ ၃ ရက်မှာ လက်ထပ်မှာဖြစ်ပြီးတော့ စိတ်ဝင်စားဖွယ် After Party အတွက်လည်း ပြင်ဆင်ထားတယ်လို့ ဆိုပါတယ်။ သူတို့နှစ်ဦးမှာ အင်ချွန်းမှာရှိတဲ့ ပါရာဒိုက်စ်စီးတီးမှာ After Party ကို ကျင်းပမှာဖြစ်တယ်လို့ဆိုပါတယ်။
ထယ်ယန်းနဲ့ မင်ဟိုရင်တို့ရဲ့ လက်ထပ်ပွဲ ကို စီစဉ်ညွှန်ကြားသူဖြစ်တဲ့ ကမ္ဘာကျော်အစီအစဉ်ရေးဆွဲသူ ယောင်ဆောင်းမာတင်ရဲ့ အဆိုအရ သူတို့နှစ်ဦးဟာ နာမည်ကျော် Twilight ရုပ်ရှင်ထဲကအတိုင်း လက်ထပ်ပွဲကို ကျင်းပမှာဖြစ်တယ်လို့ဆိုပါတယ်။ ယောင်ဆောင်မာတင်ဆိုတာကတော့ ထယ်ယန်းနဲ့မင်ဟိုရင်တို့ရဲ့ ရင်းနှီးတဲ့ သူငယ်ချင်းတစ်ယောက်လည်း ဖြစ်ပါတယ်။
ယောင်ဆောင်မာတင်က "ကျွန်မက ထယ်ယန်းနဲ့ မင်ဟိုရင်တို့ရဲ့ ပရိသတ်ပါ၊ ဒါကြောင့် သူတို့ကို ချစ်ခင်နှစ်သက်ပါတယ်၊ သူတို့အတွက်အထူးလက်ဆောင်အနေနဲ့ မင်ဟိုရင်ရဲ့ အလှအပနဲ့ သူတို့ရဲ့ ဖြူစင်တဲ့ ပထမဆုံးအချစ်ကို အလေးပေးနိုင်မယ့် အမှတ်တရပါတီတစ်ခုကို ပြုလုပ်ပေးဖို့ စီစဉ်နေပါတယ်" လို့ ပြောကြားခဲ့ပါတယ်။
KL
ဆက်စပ်နေသော ရေးသားချက်များ
-
ထယ်ယန်းနဲ့ မင်ဟိုရင်တို့ မင်္ဂလာဆောင်မှာ ဂီထယ်ယောင်း အခမ်းအနားမှူးအဖြစ် ဆောင်ရွက်မည်
မင်းသားဂီထယ်ယောင်းဟာ မနက်ဖြန် (ဖေဖော်ဝါရီ ၃ ရက်) မှာကျင်းပမယ့် ထယ်ယန်းနဲ့ မင်ဟိုရင်တို့ရဲ့ မင်္ဂလာအခမ်းအနားမှာ အခမ်းအနားမှူးအဖြစ်ဆောင်ရွက်မှာ ဖြစ်တယ်လို့ သိရပါတယ်။ ဖေဖော်ဝါရီ ၂ ရက်မှာ ဂီထယ်ယောင်းရဲ့ အေဂျင်စီက သတင်းအရင်း အမြစ်တစ်ခု က မင်းသားဟာ အဲဒီလက်ထပ်ပွဲကို အခမ်းအနားမှူးအနေနဲ့ ဦးဆောင်ကျင်းပမှာဖြစ်တယ်လို့ အတည်ပြုလိုက်ပါတယ်။