ဂန်ဒန်နီယယ်နဲ့ TWICE အဖွဲ့ဝင် Jihyo တို့လမ်းခွဲလိုက်ပြီ
- WN
- Category: News
သူတို့နှစ်ယောက်ရဲ့ အချစ်ရေးကို အဆုံးသတ်ခဲ့ကြပြီလို့ဆိုပါတယ်။
ဂန်ဒန်နီယယ်နဲ့ TWICE အဖွဲ့ဝင် Jihyo တို့ဟာ သူတို့ရဲ့ အချိန်ဇယားတွေကြောင့် လမ်းခွဲလိုက်ပြီဖြစ်တယ်လို့ သိရပါတယ်။ Dispatch ရဲ့သတင်းတစ်ပုဒ် အဆိုအရ ဂန်ဒန်နီယယ်နဲ့ Jihyo တို့ဟာ လူသိရှင်ကြားတွဲခဲ့အပြီး ၁ နှစ်နဲ့ ၃ လအကြာမှာပဲ သူတို့ရဲ့ အချစ်ဇာတ်လမ်းကို အဆုံးသတ်ဖို့ ဆုံးဖြတ်ခဲ့တာဖြစ်တယ်လို့ သိရပါတယ်။ အကြောင်းပြချက်ကတော့ သူတို့နှစ်ယောက်ဟာ တစ်ယောက်နဲ့ တစ်ယောက်တွေ့ဖို့တောင် မအားမလပ်ဖြစ်တောကြောင့်လို့ဆိုပါတယ်။
ဂန်ဒန်နီယယ်ရော Jihyo ကပါ Idol တွေဖြစ်ကြတဲ့အတွက် သူတို့နှစ်ယောက်ဟာ Comeback ပြင်ဆင်မှုတွေကြောင့် အလုပ်များလာကြရာကနေ မကြာခဏ တွေ့ဖို့ အချိန် နည်းသထက် နည်းလာခဲ့ပြီး သဘာဝအတိုင်းလေးပဲ ဝေးကွာခဲ့ကြတာဖြစ်တယ်လို့ ဆိုပါတယ်။
သူတိုနှစ်ဦးလုံးမှာ ရှင်းလင်းတဲ့ရည်မှန်းချက်တွေလည်း ရှိကြပါတယ်။ သူတို့ရဲ့ အယ်လ်ဘမ်တွေအတွက် အာရုံစိုက်လုပ်ဆောင်နေခဲ့ရတာကြောင့် တစ်ယောက်နဲ့ တစ်ယောက်တွေ့ဆုံချိန်နည်းလာခဲ့တာလည်း ဖြစ်ပါတယ်။
"လက်ရှိအချိန်မှာတော့ သူတို့နှစ်ဦးဟာ အလုပ်က ပိုအရေးအကြီးတယ်လို့ ယူဆခဲ့ကြပုံရပါတယ်"
- အတွင်းလူတစ်ဦး
ဂန်ဒန်နီယယ်နဲ့ Jihyo တို့ဟာ ၂၀၁၉ ခုနှစ်၊ သြဂုတ်လမှာ တွဲနေကြပြီလို့ သတင်းထုတ်ပြန်ခဲ့ပြီး မကြာမီအချိန်အတွင်းမှာ အေဂျင်စီနှစ်ခုလုံးက အဲ့ဒီသတင်းကို အတည်ပြုခဲ့တာလည်း ဖြစ်ပါတယ်။ အဲ့ဒီအနုပညာရှင်နှစ်ဦးကို စုံစမ်းစစ်ဆေးခဲ့ပြီးတဲ့နောက် JYP အင်တာတိန်းမန့်နဲ့ KONNECT အင်တာတိန်းမန့်တို့က အဲ့ဒီသတင်းကို တုံ့ပြန်ခဲ့ပြီး သူတို့နှစ်ဦးလမ်းခွဲလိုက်ပြီဖြစ်တဲ့အကြောင်း အတည်ပြုခဲ့ပါတယ်။
"အနုပညာရှင်ကို စစ်ဆေးမေးမြန်းခဲ့ပြီးတဲ့နောက် သူတို့တွေ လမ်းခွဲလိုက်တယ်ဆိုတာ အမှန်ပါပဲ။"
- JYP အင်တာတိန်းမန့်နဲ့ KONNECT အင်တာတိန်းမန့်
ဆက်စပ်နေသော ရေးသားချက်များ
-
Wanna One အဖွဲ့ဝင် Kang Daniel ၏ fanclub က ကလေးများနေ့အတွက် မိဘမဲ့များကို စောင်နှင့်ခေါင်းအုံးများ လှူဒါန်း
Wanna One အဖွဲ့ဝင် Kang Daniel နဲ့ သက်ဆိုင်ရဲ့ fanclub တစ်ခုက မေ ၅ ရက်နေ့မှာ ကျရောက်တဲ့ ကလေးများနေ့အတွက် Sangrok မှာရှိတဲ့ မိဘမဲ့ကျောင်းတစ်ခုကို စောင်အထည် ၆ဝ နဲ့ ခေါင်းအုံးအလုံး ၆၀ ကို လှူဒါန်း ခဲ့တယ်လို့ ဆိုပါတယ်။
-
ကိုရီးယးအထက်တန်းကျောင်းသားတွေရွေးချယ်တဲ့ April's Fool Day မှာစနောက်ကျီစယ်နိုင်မယ့် Idol ၅ ဦး
ကျောင်းသားတွေကတော့ အပြစ်ကင်းတဲ့ပုံရိပ်ရှိကြတဲ့ ဒီ အမျိုးသားနာမည်ကျော်ကြားသူ ၅ ဦးကို April's Fool Day မှာ နောက်ပြောင်ကျီစယ်နိုင်မယ်လို့ ထင်ကြပါတယ်။
-
ဘဝမှာအရေးကြီးဆုံး အမျိုးသမီးနဲ့ ဘူဆန်မှာ ဒိတ်နေတဲ့ ဂန်ဒန်နီယယ်
Wanna One အဖွဲ့ဝင် ဂန်ဒန်နီယယ်ဟာ ဘူဆန်မြို့မှာ သူ့ဘဝရဲ့အရေးကြီးဆုံးအမျိုးသမီးနဲ့ အဖိုးတန်အချိန်တွေကို ကုန်ဆုံးနေပါတယ်တဲ့။
-
Forbes Korea မှာ ဖော်ပြခံခဲ့ရတဲ့ BTS နဲ့ ဂန်ဒန်နီယယ်
Forbes Korea ဟာ '2030 Power Leaders' ဆိုတဲ့ခေါင်းစဉ်အောက်မှာ BTS အဖွဲ့နဲ့ ဂန်ဒန်နီယယ်တို့ကို ထည့်သွင်းဖော်ပြခဲ့တာကိုတွေ့ရပါတယ်။