ဘက်စုံထူးချွန်တဲ့ EXO အဖွဲ့ဝင် Baekyun အကြောင်းသိသင့်တဲ့အကြောင်းအရာငါးခု

ပါပီမျက်နှာလေးနဲ့လို့လူသိများကြတဲ့ Baekyun ရဲ့လူသိနည်းမဲ့အကြောင်းငါးခုကိုပြောပြပေးသွားမယ်နော်။

EXO အဖွဲ့ဟာ ၂၀၁၂ ခုနစ်မှာ သူတို့ရဲ့ ပွဲဦးထွက်သီချင်း "MAMA"နဲ့ စတင်ပွဲထွက်ခဲ့ပြီးလူသိများခဲ့ပါတယ်။နောက်တစ်နှစ်မှာတော့ သူတို့ဟာ "XOXO"နဲ့ အခွေသန်းချီရောင်းချရသူတွေ ဖြစ်ခဲ့ပြီး ၁၂နှစ်အတွင်းမှာရောင်းအားအကောင်းဆုံးဖြစ်ခဲ့ပါတယ်။ EXO ဟာ ကိုးယောက်ပဲရှိတော့ချိန်မှာလဲ Baekyunက သူ့ရဲ့အသံပါဝါကြောင့် ပရိသတ်တော်တော်များများကသတိထားမိပါတယ်။ SuperMရဲ့ ခေါင်းဆောင်လည်း ဖြစ်တဲ့Baekyun ရဲ့ လူသိနည်းမယ့်အကြောင်းငါးခုကိုအခုကစပြောပြပေးသွားမှာပါနော်။

1.လေးလပဲလေ့ကျင့်ရေးဆင်းခဲ့ရတဲ့သူ

K-Pop ရဲ့လေ့ကျင့်သူတွေဟာ အခြေခံအဆိုအကတွေကိုသိဖို့နှစ်တွေချီပြီးသင်ကြားခံရသူတွေပါ။ Baekyun ကတော့ EXO အဖွဲ့ထဲကိုထည့်ဖို့မဆုံးဖြတ်ရခင်အထိလေးလပဲလေ့ကျင့်ခဲ့ရပါတယ်တဲ့။ဒါပေမဲ့ သူ့ရဲ့ ကျွမ်းကျင်မှုတွေကတော့ သံသယဖြစ်စရာမလိုလောက်အောင်ကိုကောင်းလွန်းလှပါတယ်။

2.ဖက်ရှင်နာမည်ကြီးတံဆိပ်တစ်ခုရဲ့ ဖန်တီးမှုဒါရိုက်တာ

Privé Alliance ဆိုတဲ့ ဆွယ်တာတံဆိပ်ရဲ့ ဒါရိုက်တာ Danyl Geneciran ဟာ SM အင်တာတိန်းမန့်ကိုရောက်တော့ သူရဲ့အတူအလုပ်တွဲလုပ်ဖို့ အနုပညာရှင်တစ်ယောက်ကိုရှာဖွေခဲ့ပါတယ်။ သူကကြော်ငြာ ဖို့အတွက်သပ်သပ်ရှာဖွေခဲ့တာမဟုတ်ပါဘူး။ ကုမ္ပဏီက Baekyun ကိုအကြံပေးခဲ့ပြီး အဲ့ဒီတံဆိပ်ရဲ့ Privé by BBH မှာ တွဲဖက်ဖန်တီးမှုဒါရိုက်တာအဖြစ်တာဝန်ယူခဲ့ပါတယ်။

3.စုံတွဲသီချင်းတွေန့ သီချင်းဇယားတွေမှာ "AK" ရခဲ့တဲ့သူ

Baekyun လေးက ၂ဝ၁၆ ခုနှစ်မှာ Suzy နဲ့ "Dream"ဆိုတဲ့သီချင်းကိုဆိုခဲ့ပြီး နောက်တစ်နှစ်မှာ"Soyou" နဲ့ "Rain"သီချင်းကိုဆိုခဲ့ပါတယ်။ အဲ့ဒါဟာ တောင်ကိုးရီးယားမှာရှိတဲ့ အဓိက Streaming လုပ်တဲ့နေရာတွေမှာပထမရခဲ့ပြီး SM အင်တာတိန်းမန့်အတွက် "AK" ပထမဆုံးရရှိတဲ့အနုပညာရှင်ဖြစ်ခဲ့ပါတယ်။

4.ဇာတ်လမ်းတွဲမှာလည်း ပါဝင်ဖူးတဲ့ Baekyun

Baekyun ဟာ ၂၀၁၆ ခုနှစ် မှာ IU ၊ လီဂျွန်ကီ တို့နဲ့အတူ Moon Lovers: Scarlet Heart Ryeo ကားမှာ ချစ်စရာမင်းသားလေး Wang Eun အဖြစ်ပါဝင်ခဲ့ပါသေးတယ်။ ဇာတ်ပို့အနေနဲ့သာပါဝင်ခဲ့တာဖြစ်ပေမဲ့လည်းသူက ဘက်စုံထူးချွန်တယ်ဆိုတာကိုပြသနိုင်ခဲ့ပါတယ်။

5.တကိုယ်တော်အဖြစ်ပွဲဦးထွက်တော့လည်း အောင်မြင်တဲ့ Baekyun

ပြီးခဲ့တဲ့နှစ်ကတကိုယ်တော်အဖြစ်ပွဲဦးထွက်ခဲ့တဲ့ "City Lights" ပြီးတော့ ဒုတိယ မီနီအယ်လ်ဘမ်ဖြစ်တဲ့ "Delight" ဟာလည်း အောင်မြင်မှုအများအပြားရခဲ့ပါတယ်။သူကထုတ်လုပ်မှုအပိုင်းမှာလည်း ပရိသတ်တွေကသူပေးချင်တဲ့ မက်ဆေ့ချ်ကိုရဖို့ စိတ်အားထက်သန်လွန်းတဲ့သူပါ။ "City Lights"နဲ့ "Delight"ထုတ်ပြီးတဲ့အချိန်မှာ အခွေသန်းချီရောင်းရတဲ့ ပထမဆုံးတကိုယ်တော်အနုပညာရှင်ဖြစ်ခဲ့ပါတယ်။

#BB