ပရိသတ်တွေမသိလောက်သေးတဲ့ EXO ရဲ့ အငယ်ဆုံး Sehun ရဲ့အကြောင်းအရာ ငါးချက်
- BB
- Category: Trend
Sehun က EXO ထဲမှာ အငယ်ဆုံးဖြစ်သလို အကြီးတွေလောက်သီချင်းမဆိုနိုင်ဘူးလို့ဆိုပြီး အွန်လိုင်းပေါ်မှာမနာလိုသူတွေရဲ့အတိုက်အခိုက်ကိုခံရဆုံးသူပါ။
သူ့ရဲ့ခပ်ချေချေပုံစံလေးကြောင့် anti-fan တွေဆီက ခဏခဏအပြောခံနေရတာပါ။
ဒါပေမဲ့ EXO-L တွေအတွက်ကတော့ သူ့ရဲ့တိတ်တဆိတ်သူများကိုဂရုစိုက်တတ်မှုတွေက သူ့ကိုအချစ်ပိုစေတယ်မလား။ Sehun လေးဟာ အလှူအတန်းတွေကိုလည်း တိတ်တဆိတ်လုပ်တတ်ပါသေးတယ်။
ကဲ နတ်ဘုရားလေးအလားထင်ရတဲ့ EXO အဖွဲ့ဝင် Sehunရဲ့ လျှို့ဝှက်ချက် လျှို့ဝှက်ချက် ၅ခုကဘာလဲဆိုတာကြည့်ရအောင်။
1.အကြိုက်ဆုံးအားကစားအဖွဲ့
ရေဒီယိုကနေမကြာသေးခင်ကထုတ်လွှင့်ထားတဲ့အင်တာဗျူးတစ်ခုမှာ Sehun လေးက သူ့အကြိုက်ဆုံးအားကစားအဖွဲ့က ကိုးရီးယားက Doosan Bears ဆိုတဲ့ ဘက်စကတ်ဘောအဖွဲ့ပါတဲ့။ Doosan Bearsအဖွဲ့ဟာ Samsung Lions အသင်းနဲ့ အတူတူ ကျော်ကြားတဲ့ဘတ်စကက်ဘောအဖွဲ့ဖြစ်ပါတယ်။
2.နို့လက်ဖက်ရည်ကြိုက်သူလေး
EXO အဖွဲ့ဝင်တွေက Sehun လေးက နို့လက်ဖက်ရည်ကြိုက်တတ်တဲ့သူလေးဆိုတာခဏခဏပြောပြကြပါတယ်။ သူအကြိုက်ဆုံး နို့လက်ဖက်ရည်ဆိုင်က L လေးတွေအကြားမှာတော့ရေပန်းအစားဆုံးဖြစ်ပြီး သွားသင့်တဲ့နေရာတစ်ခုပဲပေါ့။ နောက်ထပ်သိရတာတစ်ခုကတော့ သူကနို့လက်ဖက်ရည်နဲ့ သရေစာမုန့်လေးတွေကိုကြိုက်ပါတယ်တဲ့။
3.ကလေးဘဝကအိပ်မက်
သူ မူလတန်းတုန်းက ဆိုးလ်မြို့တော်ဝန် နဲ့နာမည်တူတာကြောင့်ခဏခဏအစခံရပါတယ်တဲ့။ခြောက်တန်းရောက်တဲ့အခါ သူက နိုင်ငံတော်သမ္မတဖြစ်ချင်ခဲ့ပါတယ်တဲ့။ ဘာလို့လဲဆိုတော့ နိုင်ငံရေးသမားတွေက အာဏာမြင့်လို့ပါတဲ့။
4.ဆိုရှယ်မီဒီယာ
Sehun က ဆိုရှယ်မီဒီယာတစ်ခုဖြစ်တဲ့ အင်စတာဂရမ်ကို ပထမဆုံးဖွင့်တဲ့ EXO အဖွဲ့ဝင်ပါတဲ့။ သူစစဖွင့်တဲ့နာမည်က @xlkslb_ccdtksဖြစ်ပါတယ်။၂၀၁၄ ခုနှစ်မှာတော့ သူ့ရဲ့နာမည်ကိုသူ့ရဲ့ အကောင့်နာမည်ကို အခုလက်ရှိသုံးနေတဲ့ @oohsehun လို့ပြောင်းခဲ့တာပါ။
5.အကောင်းဆုံးသူငယ်ချင်း
၂၀၁၇ ခုနှစ်တုန်းက NCT က Jonny စပြီးပွဲဦးထွက်တုန်းက Sehun လေးဟာ Jonny ပုံကိုသူ့ရဲ့ အင်စတာဂရမ်မှာတင်ခဲ့ပါတယ်။ Sehunက အဲ့ဒီအရင်ကဘယ်သူ့ရဲ့ပွဲဦးထွက်မှုကိုမှတင်ပြီးပရိုမိုးရှင်းမဆင်းခဲ့ဖူးပါဘူး။သူတို့နှစ်ယောက်ကအတူလေ့ကျင့်ခဲ့ရတဲ့နေ့ရက်တွေတုန်းက အချစ်ဆုံးသူငယ်ချင်းတွေဖြစ်ခဲ့ကြတာကြောင့် Jonny အခုလိုပွဲဦးထွက်ခွင့်ရတာကိုပျော်ပါတယ်တဲ့။ Sehun က Jonny ထက်တစ်နှစ်ကြီးပါတယ်။ဒါပေမဲ့အသက်ကွာခြားချက်ကြောင့်အနှောက်အယှက်မဖြစ်ပဲသူတို့က သူငယ်ချင်းကောင်းတွေဖြစ်ခဲ့ကြပါတယ်။
ကဲ ဒီ လျှို့ဝှက်ချက် ၅ခုမှာ TheKpopTimesကပရိသတ်လေးတွေကရော ဘယ်နှခုသိထားကြလဲဆိုတာ Commentရေးပေးသွားကြနော်။ တခြားသူငယ်ချင်း EXO-Lလေးတွေကိုလဲသိအောင်Shareပေးသွားဖို့မမေ့နဲ့နော်။
#BB
ဆက်စပ်နေသော ရေးသားချက်များ
-
EXO အဖွဲ့ဝင် Chen ဟာ ဒုတိယမြောက်ရင်သွေးလေးကို ရရှိခဲ့ပြီဖြစ်ကြောင်း SM အတည်ပြု
Chen ဟာ အခုဆိုရင် ကလေးနှစ်ဦးရဲ့ ဖခင်ဖြစ်ခဲ့ပါပြီ။
-
EXO ပရိသတ်တစ်ယောက်မျှဝေထားတဲ့ Baekhyun ကြောင့် လမ်းခွဲခြင်းခံခဲ့ရတဲ့သူ
မကြာသေးခင်က အွန်လိုင်းပေါ်မှာ EXO အဖွဲ့ဝင် Baekhyun ကြောင့် ပြတ်သွားတဲ့အတွဲတစ်တွဲဆိုတဲ့ပို့စ်ဟာ ကေပေါ့ပ်ပရိသတ်တွေအကြားမှာ လူပြောများတဲ့ အကြောင်းအရာတစ်ခုဖြစ်ခဲ့ရပါတယ်။
-
Kai ရဲ့ တစ်ကိုယ်တော်အယ်လ်ဘမ် နိုင်ငံပေါင်း ၅၀ မှ iTunes ဇယားတွေမှာ ထိပ်ဆုံးရောက်နေ
EXO အဖွဲ့ဝင် Kai ဟာ သူ့ရဲ့ ပထမဆုံးတစ်ကိုယ်တော်အယ်လ်ဘမ်ဖြစ်တဲ့ KAI (开) ကိုထုတ်ဝေခဲ့ပြီး နိုင်ငံပေါင်း ၅၀ မှ iTunes အယ်လ်ဘမ်ဇယားတွေရဲ့ ထိပ်ဆုံးကို ရောက်ရှိခဲ့ပါတယ်။
-
Hyundai TUCSON ပြပွဲမှာ Visual တွေ ထုတ်ပြခဲ့ကြတဲ့ EXO အဖွဲ့ဝင် Kai နဲ့ aespa အဖွဲ့ဝင် Karina
အင်တာနက်အသုံးပြုသူတွေကတော့ SM x Hyundai Motors တို့ရဲ့ performance ပြပွဲမှာ ပါဝင်ကြတဲ့ Idol နှစ်ယောက်အကြောင်း တော်တော်လေး ပြောဆိုနေခဲ့ကြပါတယ်။
-
ဘက်စုံထူးချွန်တဲ့ EXO အဖွဲ့ဝင် Baekyun အကြောင်းသိသင့်တဲ့အကြောင်းအရာငါးခု
နောက်နှစ်ဆို ၂၉ နှစ်ပြည့်တော့မယ့် အခွေသန်းချီရောင်းရတဲ့ အဆိုတော်ဖြစ်တဲ့ Baekyun ဟာ K-Popလောကမှာအဖွဲ့ကြီးတွေဖြစ်တဲ့ EXO နဲ့ SuperM ရဲ့အဖွဲ့ဝင်ပဲဖြစ်ပါတယ်။
-
ကမ္ဘာကျော် Brand တွေရဲ့ သံတမန်တွေဖြစ်ကြတဲ့ EXO အဖွဲ့ဝင်များ
EXO အဖွဲ့ဟာ ဟာ K-popလောကသမိုင်းမှာတကယ်ကို အစဉ်အလာကောင်းတဲ့အဖွဲ့တစ်ခုပါ။